July 5th, 2005

svinya

(no subject)


‫אָט, געקױפֿט אין באָראָ־פּאַרק אַן אינטערעסאַנט בענדל, װאָס באַשטײט פֿון צװײ קליינע ספֿרים: שיח אליעזר ־ דבֿרי־תּורה אױף לשון־קודש פֿונעם יאַמפּאָליער רבין, רב לײזער־חײַם, און ישועות־ישׂראל ־ זײַנע מעשׂיות פֿון בעל־שם־טובֿ, איבערגעדרוקט ‫נאָכן מחברס כּתבֿ־יד, אָפּגעהיט די אָרטאָגראַפֿיע פֿון אָריגינאַל. די מעשיות ־ 18 דערצײלונגען אױף אַ זאַפֿטיקן װאָלינער ייִדיש ־ זענען אױסערגעװײנטלעך חידושדיקע, מיסטישע און פֿאָלקסטימלעכע. דער ספֿר איז אַרױס מיט אַ יאָר צוריק, אין "המעתּיק"־פֿאַרלאַג. געװיסע פּרטים האָבן מיר דערמאָנט אױף רבי נחמנס סיפּורי־מעשיות און, הגם אַזאַ פֿאַרגלײַך קלינגט אַ ביסל מאָדנע, אױף קאַרלאָס קאַסטאַנעדאַס ביכער ־ סע מאַכט זיך אַן אײַנדרוק, אַז די מעשה קומט פֿאָר ערגעץ צװישן דער אַלגעמײנער "װאָר" און אַנדערע, װײניקער באַקאַנטע, שיכטן רעאַליטעט.
בקיצור, איר װעט לעקן די פֿינגער! ‬

  • Current Mood
    anxious anxious